काठमाडौं, २ जेठ । प्रधानमन्त्री शेरबहादुर देउवाले आज (सोमबार) रुपन्देहीको भैरहवास्थित गौतम बुद्ध अन्तर्राष्ट्रिय विमानस्थलको औपचारिक रुपमा उदघाटन गर्ने भएका छन् । अहिले केहीबेरमा प्रधानमन्त्री देउवाले उक्त विमानस्थलको उद्घाटन गर्ने जनाईएको छ ।
आज विहानै नेपाल वायुसेवा निगमको न्यारोबडी जहाज र कुबेतबाट आएको जजिरा एयरबेजको जहाज विमानस्थलमा अवतरण गरेका छन् । नेपाल वायु सेवा निगमको पहिलो जहाज आज बिहान ६ बजेर ५५ मिनेटमा र जजिराको जहाज ७ बजेर ८ मिनेटमा अवतरण गरेका हुन् । यससँगै नेपालमा दोस्रो अन्तर्राष्ट्रिय विमानस्थलबाट व्यवसायिक उडान प्रारम्भ भएको छ ।
