काठमाडौं, १० जेठ । गत बैशाख ३० गते भएको स्थानीय तहको निर्वाचनको उदयपुरको त्रियुगा नगरपालिकामा आजदेखि मतगणना सुरु भएको छ ।
नगरपालिको १२ नम्बर वडाको जनप्रेमी माविमा रहेको क ख ग मतदान केन्द्रमा मतदानको क्रममा विवाद हुँदा मतदान नै स्थगित भएको थियो । पुनः मतदानको माग गरेपनि निर्वाचन आयोगको निर्देशनमा मतगणना सुरु भएको हो ।
पुनः मतदान गर्ने वा मतगणना गर्ने भन्नेमा दलहरुबीच विवाद भएपछि गणना रोकिएको थियो । नेकपा एमाले र नेपाली कांग्रेसले मतगणनाको माग गरेपनि नेकपा माओवादी केन्द्र, एकीकृत समाजवादी, जसपा, राप्रपाले पुनः मतदानको माग राखेका थिए ।
