काठमाडौं, १६ जेठ । जोमसोममा विमान दुर्घटनामा मृत्यु भएकामध्ये १० जनाको शव सेनाको हेलिकोप्टरले त्रिभुवन अन्तर्राष्ट्रिय विमानस्थलमा ल्याउँदैछ । दुर्घटनास्थलबाट १० वटा शव संकलन गरी बेनी जोमसोम सडकको कोवाङमा झारिएकामा पुनः सेनाको हेलिकोप्टरमा राखी ल्याइँदै गरिएको हो ।
मौसमको खराबीका बाबजुद गैरसैनिक हेलिकोप्टर दुर्घटनास्थल पुगी शव संकलन गरेको थियो । उक्त शव तल ओरालेर सेनाको हेलिकोप्टरमा राखी ल्याइँदै गरिएको हो ।
बाक्लो बादल भएका कारण सेनाको होलिकप्टर भने दुर्घटनास्थल नपुगेको बुझिएको छ । तर, सेनासहित प्रहरी र सशस्त्र प्रहरीको टोली घटनास्थल पुगेर शव संकलन गरिरहेको छ । अझै १२ वटा शव संकलन गर्न बाँकी रहेको बुझिएको छ ।
