काठमाडौं, २४ जेठ । बारामा जग्गा नाप्ने विषयमा विवाद हुँदा कुटपिटबाट एक जनाको निधन भएको छ । जिल्लाको आदर्श कोतवाल गाउँपालिका–६ मा कुटपिटबाट प्रभुप्रसाद कुशवाहाको मृत्यु भएको हो ।
कुटपिटमा सम्लग्न भएको आरोपमा २ जना पक्राउ परेका छन् । किशोर कुशवाहा र रामप्रवेश महतोलाई पक्राउ गरी घटनाको अनुसन्धान सुरु गरिएको बारा प्रहरीले जनाएको छ ।
सोमबार दिउँसो ३ बजेतीर पर्टेवामा जग्गा नाप्ने विषयमा विवाद सुरु भएको हो । विवाद चर्कदै गएपछि दुवै पक्ष कुटपिटमा उत्रिएका थिए । उपचारकै क्रममा राति ९ बजे प्रभुको मृत्यु भएको प्रहरीले जनाएको छ ।
