धादिङको त्रिपुरासुन्दरीमा पहिरोले घर पुरिँदा एक जना बेपत्ता (तस्विर हेरौं)

काठमाडौं, २७ जेठ । धादिङको त्रिपुरासुन्दरी गाउँपालिका–५ घिमिरेगाउँमा पहिरोमा घर बगाउँदा एकजना बेपत्ता भएका छन् ।

गएराति घरमाथि बाट खसेको पहिरोले घर बगाउँदा ५५ वर्षीय सीताराम भन्ने नेत्रप्रसाद खाँण बेपत्ता भएका हुन् ।

अविरल वर्षाका कारण भुकम्पबाट पुनःनिर्माण गरिएको घरमा सडक खनेर राखिएको माटोको ढिस्कोले घर पुरिएको नेपाली कांग्रेस बाग्मती प्रदेशका प्रवक्ता तिलक रुवालीले जानकारी दिए ।  उनका अनुसार घरका अन्य सदस्यहरु भने सकुशल रहेका छन् ।

पहिरोले घरको सबै भाग पुरिएको छ। स्थानीयवासी र नेपाल प्रहरी उद्धारमा खटिएको छ ।