काठमाडौं, १४ असार । मोरङमा अविरल वर्षासँगै आएको बाढीले १७५ परिवार विस्थापित हुन पुगेका छन् । सिंघिया खोलामा आएको बाढी बस्तीमा पस्दा विराटनगर र कटहरीका १७५ परिवार विस्थापित भएका हुन् ।
ती मध्ये विराटनगरमा ४५ र कटहरी गाउँपालिकामा १३० परिवार विस्थापित भएको प्रहरीले जनाएको छ। कटहरीको टाइटोल, हनुमान मन्दिर एरिया र नारी विकास संघ क्षेत्रमा बाढी पसेपछि धेरै परिवार विस्थापित भएका हुन् ।
त्यस्तै, बाढीले बगाएर एकजनाको मृत्यु भएको प्रहरीले जनाएको छ। बाढीले बगाएर सुन्दरहरैंचा–६ का रामबहादुर विकको मृत्यु भएको हो ।
