एजेन्सी, २६ असार । बलिउड अभिनेत्री करीना कपुर खानले हालै सामाजिक सञ्जालमा एउटा तस्विर शेयर गरेकी छिन्, जसमा उनका पति सैफ अली खान र जेठो छोरा तैमुर अली खान देखिएका छन् । यससँगै उनले तैमुरको गडफादरको झलक पनि यस पोस्टमार्फत देखाएकी छन् । यो तस्बिर इङ्गल्याण्डको विन्चेस्टरको हो ।
यो तस्बिर सेयर गर्दै करिनाले लेखेकी छिन्, ’फादर… गडफादर… सन… विन्चेस्टर २०२२।’ यससँगै करिनाले रेड हार्ट इमोजी पनि बनाएकी छिन् । तस्बिरमा, जहाँ सैफ नीलो शर्ट, हाफ स्वेटर, डेनिम र टोपीमा देखिएका छन्, तैमुर हुडी र डेनिममा देखिएका छन्। अभिनेत्रीको यो पोस्टमा फ्यानदेखि लिएर सेलिब्रेटीसम्मले प्रतिक्रिया दिइरहेका छन् ।
करिना कपुर अब फिल्म ‘लाल सिंह चड्ढा’ मा देखिनेछिन् । यस फिल्ममा उनीसँगै आमिर खान पनि देखिनेछन् । यो फिल्म अद्वैत चन्दनले निर्देशन गरेका हुन् । यो ११ अगस्त २०२२ मा सिनेमाघरहरूमा रिलीज हुनेछ। यस बाहेक करिनाले हालै सुजोय घोषद्वारा निर्देशित आफ्नो ओटीटी डेब्यू प्रोजेक्टको सुटिङ पनि पूरा गरिसकेकी छिन् । यो फिल्म जापानी उपन्यास ’द डिभोसन अफ सस्पेक्ट एक्स’ मा आधारित छ।
अर्कोतर्फ सैफ अली खानको वर्कफ्रन्टको कुरा गर्ने हो भने उनी छिट्टै फिल्म ‘आदिपुरुष’ मा देखिनेछन् । यस फिल्ममा सैफ रावणको भूमिकामा देखिनेछन् ।
