पानीका लागि बोरिङ खन्दा जोरपाटीमा ग्यास निस्कियो, त्यस वरपर आगो नबाल्न प्रहरीको आग्रह

काडमाडौं, साउन ३ ।  राजधानीको जोरपाटीस्थित चामुण्डामा ग्यास निस्किएको छ । स्थानीय सन्तबहादुर लामाको घरमा पानीका लागि बोरिङ खन्ने क्रममा ग्यास निस्किएको हो ।

बालुवा र लेदोसहित निस्किएको ग्यासको लेदो जोरपाटी चोकसम्म पुगेको छ । ग्यासको मुस्लो करिब ५० मिटर माथिसम्म पुगेको छ । प्रहरीले सम्भावित दुर्घटनालाई मध्यनजर गर्दे यस क्षेत्र वरिपरि आगो नबाल्न आग्रह गरेको छ ।