काठमाडौं, भदौ ६ । आज सोमबार सुनचाँदीको भाउ घटेको छ । आइतबार तोलाको ९५ हजार ५ सय रुपैयाँमा कारोबार भएको छापावाला सुन आज सोमबार तोलामा २ सयले घटेर प्रति तोला ९५ हजार ३ सय रुपैयाँमा कारोबार भईरहेको छ ।
त्यस्तै आज तेजाबी सुनको भाउ पनि टोलमा २ सय रुपैयाँले घटेर प्रति तोला ९४ हजार ८ सय रुपैयाँमा कारोबार भईरहेको छ ।
आज चाँदीको भाउ तोलामा ५ रुपैयाँले घटेर प्रतितोला १ हजार १ सय ६५ रुपैयाँ कायम भएको छ ।
नेपाल सुनचाँदी व्यवसायी महासंघले आज प्रति १० ग्राम छापावाला सुनको मूल्य ८१ हजार ७ सय ५ रुपैयाँ, प्रति १० ग्राम तेजाबी सुनको मूल्य ८१ हजार २ सय ७५ रुपैयाँ र प्रति १० ग्राम चाँदीको मूल्य ९ सय ९९ रुपैयाँ कायम गरेको छ ।
