काठमाण्डौं,भदौ २४ । बिगत ४ वर्ष देखि अस्ट्रेलिया बस्दै आएका किरण केसी काठमाण्डौं ७ बाट चुनाव लड्न नेपाल आईपुगेका छन् । मङ्सिरमा हुन लागेको संसदीय चुनावमा स्वतन्त्र उम्मेद्वारी घोषणा गरेका केसी बुधबार नेपाल आईपुगेका हुन् ।
आगामी निर्वाचनमा भाग लिन अस्ट्रेलियाबाटै काठमाण्डौं ७ मा उम्मेद्वारी घोषणा गरेका केसीलाई स्वागत गर्न उनका समर्थक त्रिभुवन अन्तर्राष्ट्रिय विमानस्थलमा ठूलो जमातमा भेला भएका थिए । काडमाडौँको बालाजु स्थायी घर भएका केसीलाई विमानस्थलमा मतदाता,शुभचिन्तक र बालाजुबासीहरुले फुलमाला र नेपालको झण्डा ओढाएर स्वागत गरेका थिए ।
उनलाई समर्थकहरुले माछापोखरी चोकबाट उनको घर सम्म नारा लगाउदै पुराएका थिए । पेसाले इन्जिनियर रहेका केसीले काठमाण्डौं लाई धुलो मुक्त सहर बनाउने अठोट लिएर नेपाल आएको बताएका छन् ।
