काठमाडौं, ३१ भदौ । नेकपा (एकीकृत समाजवादी) का सुदुरपश्चिम प्रदेश संसदिय दलका नेता दुर्गा बिक नेकपा (माओवादी केन्द्र) मा प्रवेश गरेका छन् । नेता बिकलाई आज (शुक्रबार) पार्टी अध्यक्ष पुष्पकमल दाहालले पार्टीमा स्वागत गरेका हुन् ।
त्यस्तै, थारू कलाकार मंचका केन्द्रीय अध्यक्ष एवं नेकपा (एस) काठमाडौ–कंचनपुर सम्पर्क मंचका अध्यक्ष विनय चौधरी, नेकपा एमालेका युवा नेताहरू बिक्रम राना, बिनोद चौधरी, सुमन तामाङ, सन्तोष बोगटी, लोकेन्द्र धामी, अर्बिन रावत लगायत पार्टी परित्याग गरि थुप्रै नेता तथा कार्यकर्ताहरु आज माओवादीमा प्रवेश गरेको दाहालको सचिवालयले जनाएको छ ।
