काठमाडौं, २३ असोज । नेपाली कांग्रेसका नेता राजेन्द्र बजगाईंले गोरखा १ बाट टिकट पाएका छन् । उनी उम्मेदवारी दर्ता गर्न गोरखा प्रस्थान गरेका छन् ।
वरिष्ठ नेता शेखर कोइराला पक्षधर नेता बजगाँईले आफूले टिकट पाएको र उम्मेदवारी दर्ताको लागि गोरखा प्रस्थान गरेको जानकारी दिए ।
उनले आफ्नो उम्मेदवारी दर्ताबारे काठमाडौंस्थित निर्वाचन आयोगमा जानकारी गराइसकेका छन् । नेता बजगाँई नेपालकै प्रतिष्ठित पर्यटन व्यवसायी पनि हुन् । उनी कांग्रेसमा विकासवादी नेताको रुपमा परिचित छन् ।
