काठमाडौं, ३० असोज । सरकारले शताब्दी पुरुष सत्यमोहन जोशीको निधनमा एक दिन सार्वजनिक विदा दिने भएको छ ।
जोशीको आज विहान १०३ वर्षको उमेरमा निधन भएको हो ।
जोशीको पार्थिव शरिर आज अन्मित श्रद्धाञ्जलीको लागि ललितपुर महानगरपालिकामा राखिएको थियो ।
सो क्रममा जोशीको पार्थिव शरिरमा प्रधानमन्त्री शेरबहादुर देउवाले राष्ट्रिय झण्डा ओढाएका थिए ।
यस्तै, संस्कृतिमन्त्री जीवनराम श्रेष्ठले जोशीको निधनमा शोक व्यक्त गर्दै सरकारले सार्वजनिक विदा दिने बताएका थिए ।
अन्तिम श्रद्धाञ्जलीको लागि नेपाल सरकारका मन्त्रीहरु, विभिन्न दलका नेता, विदेशी नियोगका प्रमुखहरुलगायत पुगेका थिए ।
file photo/reportersnepal
