काठमाडौं,१ कात्तिक । आइतबार ‘धागो–सम्बन्धको’ बोलको गीत सार्वजनिक भएको छ । गीतमा एसडी योगी र सुवानी मोक्तानको स्वर रहेको गीतमा हर्क साउदको शब्द र सुशान्त गौतमको संगीत रहेको छ।
सत्य घटनामा आधारित गीतको भिडियो दसैँ र तिहारको परिवेशमा खिचिएको छ । दसैँ र तिहारकै परिवेशमा एक परिवारले फरक समयमा दुई सदस्यलाई गुमाएको कथा गीतमा देखाइएको छ।गीतको भिडिओमा सिर्जना अधिकारी, हर्क साउद, सुक्रिया खत्री, निराजन कार्की, लिजा कार्की, कस्मित बराइलीको अभिनय देख्न सकिन्छ ।
नविन चौहानको निर्देशन तथा कन्सेप्टमा तयार भएको गीतलाई संगीता कार्कीले निर्माण गरेकी हुन्। सौरभ लामाले छायांकन गरेको गीतलाई कृष्ण भण्डारीले सम्पादन गरेका छन्।
यसअघि आर्टमाण्डुले ‘के माया लाग्छ र?’, ‘तीनपाते’ जस्ता गीत ल्याएको छ।
