काठमाडौं, ५ कार्तिक । शुभ दिपावलीको अवसरमा यो वर्षपनि ‘प्रज्ञा सिस्नुपानी देउसी’ कार्यक्रमको आयोजना गरिएको छ । प्रज्ञा–प्रतिष्ठान र सिस्नुपानी नेपालले आज (शनिबार) संयुक्तरूपमा प्रज्ञा भवनमा देउसी भैलो कार्यक्रम आयोजना गरेका हुन् ।
सो कार्यक्रमको एमाले अध्यक्ष तथा पूर्व प्रधानमन्त्री केपी शर्मा ओली र नेपाल समाजवादी पार्टीका अध्यक्ष एवम् पूर्व प्रधानमन्त्री डा. बाबुराम भट्टराईले संयुक्त रुपमा उद्घाटन गरेका हुन् ।
सो अवसरमा बरिष्ठ हाँस्यकलाकार महजोडीको प्रस्तुति रहेको थियो । यसका अलावा अरु कलाकारले प्रस्तुतिको क्रममा राजनीति, भ्रष्टाचार र सामाजिक विसंगतिविरुद्ध व्यंग्यमार्फत कटाक्ष गरेका थिए ।
कार्यक्रममा ओली पत्नी राधिका शाक्यसहित पुगेका थिए । उता, बाबुराम पनि पत्नी हिसिला र नाती युगिनसँगै पुगेका थिए । अन्तरिम मन्त्रिपरिषद्का तत्कालिन अध्यक्ष खिलराज रेग्मी, कायममुकायम प्रधानन्यायाधीश हरिकृष्ण कार्कीलगायतको पनि उपस्थिति रहेको थियो । कार्यक्रममा देशका सबै क्षेत्रका व्यक्तित्वहरुको उपस्थिति रहेको थियो ।
तस्विर : मुकुन्द कालिकोटे, रिपोर्टर्स नेपाल डटकम
