काठमाडौं, ७ कार्तिक । सत्ता गठबन्धनको चुनावलक्षित बाग्मती प्रदेशको भेला सुरु भएको छ । राष्ट्रियसभा गृहमा सुरु भएको भेलालाई गठबन्धनमा आवद्ध दलका शीर्ष नेताहरुले सम्बोधन गर्ने भएका छन् । गत ४ कात्तिकबाट सुरू भएको गठबन्धनको संयुक्त भेला यसअघि ६ वटा प्रदेशमा सम्पन्न भएको छ। हिजो लुम्बिनीमा भेला आयोजना गरिएको थियो ।
आजको भेलालाई प्रधानमन्त्री एवं कांग्रेस सभापति शेरबहादुर देउवा, नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’, एकीकृत समाजवादीका अध्यक्ष माधवकुमार नेपाल, नेपाल समाजवादी पार्टीका अध्यक्ष डा. बाबुराम भट्टराईगायतले सम्बोधन गर्ने जनाईएको छ । तस्विर : मुकुन्द कालिकोटे, रिपोर्टर्स नेपाल डटकम
