काठमाडौं, १३ कात्तिक । नेपालबाट २ सय ५४ जना यात्रु लिएर उड्न लागेको नेपाल वायुसेवा निगमको वाइडबडी जहाज त्रिभुवन विमानस्थलले रोकिदिएको छ ।
निगमको उक्त विमानलाई आइतबार र शुक्रबार पौने २ बजे दिल्लीका लागि काठमाडौंबाट हुने उडान कटौती गरेको भन्दै विमानस्थलले रोकिदिएको हो ।
आजदेखि लागु हुनेगरी ५ महिनाको लागि विन्टर सेड्युलमा आइतबार र शुक्रबारको उडान प्राधिकरणले कटौती गरेको विमानस्थलले जनाएको छ । पर्याप्त यात्रु नहुने भएकोले सातै दिन हुने उडानबाट दुई दिन कटौती गरेको हो । विमानस्थलको अनुसार विमानले अनुमति नलिई यात्रु बोर्डिङ गरेको उडान रोक्न परेको हो । बोर्डिङ पास लिइसकेका आक्रोसित यात्रुले नाराबाजी गरिररहेका छन् ।
