काठमाडौं, १५ कार्तिक । नेकपा (एमाले) ले नेपाली झण्डासहितको पानीजहाज चलाउने घोषणा गरेको छ ।
आज (मंगलबार) सार्वजनिक पार्टीको चुनावी घोषणापत्रको ६१ पृष्ठमा सो कुरा उल्लेख गरिएको छ ।
एमालेले यसअघि पनि पानीजहाज चलाउने घोषणा गरेको थियो । यसपटक पनि उसले सो घोषणा गरेको छ ।
घोषणापत्रमा भनिएको छ,‘छिमेकी मित्रराष्ट्रको सामुन्द्रिक बन्दरगाह प्रयोग गरी नेपाली झण्डासहितको पानीजहाज सञ्चालनमा ल्याइनेछ ।
नेपालका प्रमुख नदी हुँदै गंगाबाट कलकत्ता बन्दरगाह र समुन्द्रसम्मको जल यातायात सञ्चालन गरिनेछ ।’
एमालेले विद्युतीय सवारीसाधनको प्रयोगलाई प्रवद्र्धन गर्ने जनाएको छ ।
मोटरबाटो पुग्न नसक्ने ठाउँमा केबुलकार र अन्य वैकल्पिक प्रबन्ध गरिने पनि उल्लेख गरिएको छ ।
