काठमाडौं, कात्तिक १७ । प्रधानमन्त्री एवं नेपाली कांग्रेस सभापति शेरबहादुर देउवाले आज (बिहिवार) गृह जिल्ला डडेल्धुरामा चुनावी आमसभालाई सम्बोधन गर्ने कार्यक्रम रहेको छ ।
प्रधानमन्त्री देउवा बुधबार निजि हेलिकप्टरमार्फत धनगढी पुगेका थिए । देउवा आज डडेल्धुरा जान लागेका छन् । दिउँसो डडेल्धुराको सदरमुकाम बागबजारको बसपार्कमा आयोजना हुने चुनावी आमसभालाई देउवाले सम्बोधन गर्ने कार्यक्रम रहेको छ ।
देउवाले सात वटै स्थानीय तहमा पुगेर चुनावी सभालाई सम्बोधन गर्ने कार्यक्रम तय रहेको नेपाली कांग्रेसका सचिव शेर भण्डारीले जानकारी दिए ।
देउवाले १८ गते विहान नवदुर्गा गाउँपालिका–२ को खुनी र दिउसो गन्यापधुरा गाउँपालिका–२ को बडाल, १९ गते विहान अजयमेरु गाउँपालिका–३ को भद्रपुर र दिउसो भागेश्वर गाउँपालिका–२ को रुपाल तथा २० गते आलिताल गाउँपालिका–८ को गोदाम र परशुराम नगरपालिका–१२ को लालढुङ्गमा लोकतान्त्रिक बाम गठबन्धनले आयोजना गर्ने चुनावी सभालाई सम्बोधन गर्ने कार्यक्रम तय भएको छ ।
