कीर्तिपुरमै भेटियो चितुवा, मोटरसाइकललाई ठक्कर दिँदा एकजना घाइते

काठमाडौं, १८ कात्तिक । पछिल्लो समय तनहुँका विभिन्न स्थानमा स्थानीयहरुलाई दुःख दिइरहेको चितुवा काठमाडौंको कीर्तिपुरमा पनि देखिएको छ ।

चितुवा गए राति ९ बजेतिर त्रिभुवन विश्वविद्यालय परिसरमा रहेको क्रिकेट मैदान नजिकै निशान्त चौधरीको मोटरसाइकलमा ठोक्किएको हो ।

दुर्घटनामा परेर चौधरी घाइते भएका छन् । उनको कीर्तिपुर अस्पतालमा उपचार भइरहेको प्रहरीले जनाएको छ ।