काठमाडौं, कात्तिक १९ । चुनाव प्रचारका लागि गृह जिल्ला डडेल्धुरामा रहेका प्रधानमन्त्री एवं नेपाली कांग्रेसका सभापति शेरबहादुर देउवाले आजपनि दुई वटा चुनावी सभालाई सम्बोधन गर्ने कार्यक्रम छ ।
प्रधानमन्त्री देउवाले अहिले बिहान साढे ११ बजे अजयमेरु गाउँपालिका भद्रपुर र दिउँसो २ बजे भागेश्वार गाउँपालिकाको रुपालमा आयोजना हुने चुनावी सभालाई सम्बोधन गर्ने कार्यक्रम रहेको छ ।
बिहीबार जिल्ला सदरमुकाम खलंगा तथा शुक्रबार गृहपालिका गन्यापधुरा–२ बडाल र नवदुर्गा गाउँपालिकाकोको बेलापुरमा आयोजना गरिएको सभालाई सम्बोधन गरेपछि देउवा जिल्ला सदरमुकाममै बसेका छन् ।
प्रधानमन्त्री देउवाले भोलि आइतबारआलिताल गाउँपालिकाको गोदाम र परशुराम नगरपालिकाको जोगबुढामा गठबन्धनले आयोजना गर्ने चुनावीसभालाई सम्बोधन गर्ने कार्यक्रम रहेको छ ।
