चितवन, २० कात्तिक । नेपाल विद्यार्थी संघका अध्यक्ष दुजाङ शेर्पाले चितवनको मात्र नभएर देशकै नेतृत्व लिन सक्ने डा.विश्व पौडललाई भोट दिनुपर्ने बताएका छन् ।
चितवन क्षेत्र नं १ मा आयोजित एक कार्यक्रममा बोल्दै शेर्पाले देशले खोजेको असल व्यक्ति र काम गर्न सक्ने भिजन भएका नेतृत्व पौडेल भएको दाबी गरे ।
उनले भने,‘देशले खोजेको असल मान्छे, विज्ञ डा.विश्व पौडेल हो । उहाँलाई मत दिनुहोला ।’ आगामी निर्वाचनमा डा.पौडेल पराजित भए चितवनले मात्र नभएर देशले नै असल सांसद गुमाउने टिप्पणी गरे ।
अध्यक्ष शेर्पाले नेपालमा गफ गर्ने धेरै नेता रहेको भन्दै काम गर्ने व्यक्तिको खाँचो रहेको बताए । नेपाली कांग्रेसले मात्रै देशको हितमा काम गर्ने उनले जिकिर गरे ।
