काठमाडौं, २१ कात्तिक । रुपन्देहीमा आज एक दम्पत्ति मृत फेला परेका छन् । देवदह नगरपालिका–५ पाल्पाली टोलमा आज बिहान आफ्नै घरमा दम्पत्ती मृत अवस्थामा फेला परेको प्रहरीले जनाएको छ ।
प्रहरीको अनुसार बोलिन्द्र मगर र उनकी श्रीमती हेमकला जोल्मी मगर घरभित्रबाट चुकुल लगाएको अवस्थामा मृत फेला परेका हुन् ।
हेमकलाको शव तन्नाले बेरिएको र वैदेशिक रोजगारीबाट आएका बोलिन्द्रको शव पंखामा झुण्डिएको अवस्थामा फेला परेको हो । बोलिन्द्रले श्रीमतीको हत्या गरेपछि आफू झुण्डिएको हुन सक्ने प्रारम्भिक अनुमान गरिएको छ ।
