दाङ, २१ कार्तिक । जनगायक बद्री पङ्गेनीले देशको विकास र दाङकोे समृद्धिका लागि शंकर पोखरेललाई जिताउन अपिल गरेका छन् । गायक पंगेनीले गीतमार्फत पोखरेललाई जिताउन अपिल गरेका हुन् । गायक पंगेनीले यसअघि पनि एमालेको पक्षमा गीत गाएर भोट मागेका थिए ।
एमाले महासचिव एवं दाङ निर्वाचन क्षेत्र नं। २ का प्रतिनिधिसभा सदस्य उम्मेदवार शंकर पोख्रेलले दाङको गुठी समस्या समाधान गर्न एमाले सरकार आवश्यक रहेको बताएका थिए । हिजो घोराही– १४ झिगौरामा आयोजित चुनावी कार्यक्रममा महासचिव पोख्रेलले एमालेले मात्रै गुठी समस्या समाधान गर्ने बताएका थिए ।
उनले अध्यक्ष केपी शर्मा ओली नेतृत्वको एमाले सरकारले गुठी समस्या समाधान गर्न गुठी ऐन संशोधनका लागि विधेयक ल्याएको थियो तर त्यसमा भएका सकारात्मक पक्षको अध्ययन नै नगरी काठमाडौंमा विरोध भएपछि विधेयक अगाडि नबढाइएको जानकारी गराए ।उनले भने,‘यो समस्या बुझेरै एमालेले ऐन संशोधनको प्रयास गरेको हो । फेरि एमाले सरकार बन्छ अनि बर्षौंदेखिको गुठी जमिनका किसानका समस्या समाधान हुन्छ ।’
