काठमाडौं, २ मंसिर । देशभर आइतबार भएको निर्वाचनको मतगणना जारी रहदा प्रतिनिधि सभा सदस्यका उम्मेदवार गगन कुमार थापा नेपाली फिल्म ‘महापुरुष’ हेर्न पुगेका छन् ।
नेपाली कांग्रेसका महामन्त्री समेत रहेका थापा श्रीमतीसहित दरबारमार्गस्थित क्युएफएक्स दरबार मलमा फिल्म हेर्न पुगेका हुन् । थापा आफैले श्रीमतीसहितको सिनेमा हलको तस्बिर शेयर गर्दै यसबारे जानकारी दिएका हुन् । उनले लेखेका छन्,‘धेरै दिनको दौडधुपपछि आजको फुर्सद’
उनी उम्मेदवार रहेको काठमाडौं ४ को मतगणना जारी छ । उनले प्रतिद्धन्द्धी राजन भट्टराईलाई फराकिलो मतान्तरले पछाडी पारेका छन् ।
