एजेन्सी । कतारमा जारी फिफा विश्वकप-२०२२ मा आज अर्जेन्टिना र साउदी अरबिया भिड्दैछन् । लुसाइल आइकोनिक स्टेडियममा हुने खेल दिउँसो ३:४५ बजे शुरु हुनेछ ।
दुई पटकको विश्व विजेता अर्जेन्टिना आजको खेलमा जीत निकाल्दै प्रतियोगितामा सुखद शुरुवात गर्न चाहन्छ ।
यता पछिल्लो संस्करणमा उद्धाटन खेल खेल्ने मौका पाएको साउदी अरबियाको लागि उक्त खेल सम्झनलायक रहेन । साउदी उद्धाटन खेलमै रसियासँग ५-० गोलको फराकिलो गोल अन्तरले पराजीत भएको थियो ।
