काठमाडौं, ६ मंसिर । आइतबार भएको निर्वाचनको देशभर जारी मतगणनाको पछिल्लो परिणाम अनुसार ललितपुर–३ मा राष्ट्रिय स्वतन्त्र पार्टीकी डा.तोसिमा कार्कीले फराकिलो अग्रता लिएकी छिन् ।
साढे १० बजे सम्मको मतपरिणाम अनुसार कार्कीले ५ हजार ८२७ मत प्राप्त गरेर अग्र स्थानमा छिन् ।
उनलाई पछ्याउदै नेकपा एमालेका अमृत खड्काले ४ हजार ४३३ मत ल्याएका छन् । त्यसैगरी सत्तागठबन्धनकी साझा उम्मेदवार पम्फा भुसालले २ हजार ५४१ मत प्राप्त गरेकी छिन् ।
