एजेन्सी, १५ मंसिर । बलिउड अभिनेत्री मलाइका अरोरा गर्भवती भएको खबरले निकै चर्चा पाइरहेको छ । पिंकभिलाले आफ्नो स्रोतका अनुसार अक्टोबरमा मलाइकाको गर्भावस्थाको खुसीको खबर आफ्ना नजिकका साथीहरूलाई दिएको बताएको थियो। यो खबर फैलिने बित्तिकै अर्जुनले यसबारे आफ्नो प्रतिक्रिया दिएका छन् ।
पिंकभिल्लाको रिपोर्टका अनुसार मलाइका र अर्जुन कपूर अक्टोबरमा लण्डनमा छुट्टी मनाउन गएका थिए, जहाँ उनीहरूले आफ्ना नजिकका साथीहरूका अगाडि गर्भावस्थाको खुसीको खबर दिएका थिए।
यो खबर फैलिने बित्तिकै अर्जुन कपुरले आफ्नो सामाजिक सञ्जाल अकाउन्ट मार्फत यसको खण्डन गर्दै लेखेका छन्,‘यो सबैभन्दा तल्लो तह हो जसमा कोही खस्न सक्छ र तपाई यो सबै लापरवाही गर्दै हुनुहुन्छ । यस्तो फोहोर समाचार चलाउनु अत्यन्तै अनैतिक र असंवेदनशील छ । कतिपय पत्रकारले यस प्रकारको समाचारलाई निरन्तर रूपमा चलाइरहेका छन् र हामीले हरेक पटक बेवास्ता गरेकाले टाढिएका छन् । जबकि तिनीहरूले यी समाचारहरू धेरै प्रसारित गर्छन् र यो सत्य हो भन्छन्। यो सहि होइन। हाम्रो व्यक्तिगत जीवनसँग खेल्ने हिम्मत नगर्नुहोस्।’
केही समय अघि मलाइका अरोराले हिराको औंठी लगाएको तस्विर पोष्ट गरेकी छिन् । जसमा उनले क्याप्सनमा लेखेकी छिन्,‘कि मैले हो गरेको छु ।’ इन्गेजमेन्टको अफवाह चल्न थालेपछि मलाइकाले अर्को पोस्टमा खुलासा गरिन् कि उनले डिज्नी प्लस हटस्टारको रियालिटी शो मुभिङ विथ मलाइकाका लागि हो भनेकी छिन् ।
अर्जुन र मलाइका विगत ३ वर्षदेखि रिलेशनशिपमा छन् । दुवैले सन् २०१९ मा अर्जुन कपूरको जन्मदिनमा एक पोस्टमार्फत सम्बन्धलाई आधिकारिक बनाएका थिए । त्यसयता दुवैलाई रोमान्टिक डेट र छुट्टिमा देखाइएको थियो । हालै दुवैले २०२३ मा विवाह गर्न सक्ने खबर आएको थियो, यद्यपि यसबारे कुनै आधिकारिक घोषणा गरिएको छैन ।
मलाइका अरोराले १९९८ मा अभिनेता अरबाज खानसँग विवाह गरेकी थिइन् । जसबाट उनको एक छोरा अरहान छ। विवाहको १९ वर्षपछि सन् २०१७ मा उनीहरुको सम्बन्धविच्छेद भएको थियो । डिभोर्सपछि पनि मलाइका र अरबाज प्रायः छोरासँग भेटिन्छन् । मलाइकाले सम्बन्धविच्छेदका बेला अरबाजसँग १५ करोड भारु लिएकी थिइन् ।
