काठमाडौं, १५ मंसिर । सञ्चार तथा सूचना प्रविधिमन्त्री ज्ञानेन्द्रबहादुर कार्कीले कांग्रेसकै नेतृत्वमा अब नयाँ सरकार बन्ने दाबी गरेका छन् । अब बन्ने सरकारको नेतृत्वपनि आफ्नो पार्टी सभापति शेरबहादुर देउवाले गर्ने उनको दाबी छ। आज (बिहीबार) सुनसरी–४ बाट निर्वाचित भएपछि पत्रकारहरुसँग कुरा गर्दै उनले यस्तो बताएका हुन् ।
उनले भने,‘अब हामी सरकार गठनको गृहकार्यमा जुटछौं, अहिलेकै गठबन्धन निरन्तर जान्छ । कांग्रेस नेतृत्वकै गठबन्धनको सरकार बन्छ । शेरबहादुर देउवा नै प्रधानमन्त्री बन्नुहुन्छ ।’
सत्ता गठबन्धनमा सरकार गठनको गृहकार्य चलिरहेको बेलामा कांग्रेसका प्रभावशाली नेता कार्कीको यस्तो भनाई आएको हो । उनले कांग्रेसको नेतृत्वमा बन्ने सरकारमा माओवादी, एकीकृत समाजवादीलगायतका दल सहभागी हुने विश्वास दिलाए । file photo/ReportersNepal
