काठमाडौं, पुस १। पछिल्लो समय निरन्तर उकालो लागेको सुनको मूल्य आज चार सय रुपैयाँले घटेको छ । नेपाल सुनचाँदी व्यवसायी महासंघका अनुसार आज नेपाली बजारमा प्रतितोला ९९ हजार ९ सय रुपैयाँमा कारोबार भइरहेको छ ।
बिहीबार तोलामा सात सय रुपैयाँले घट्दा प्रतितोला एक लाख तीन सय रुपैयाँमा कारोबार भएको थियो।
त्यस्तै आज चाँदी तोलामा १० रुपैयाँले घटेको छ। आज चाँदीको कारोबार मूल्य प्रतितोला १३ सय ७० रुपैयाँमा कारोबार भइरहेको छ। बिहीबार चाँदी तोलामा २० रुपैयाँले घट्दा कारोबार मूल्य प्रतितोला १३ सय ८० रुपैयाँ थियो।
