काठमाडौं, ५ पुष । नेपाली कांग्रेसको संसदीय दलको नेताको चयनको लागि चुनाव हुँदैछ । दलको नेताको लागि सभापति शेरबहादुर देउवा र महामन्त्री गगनकुमार थापाबीच चुनावी प्रतिष्पर्धा हुँदैछ । देउवाको प्रस्तावकमा रामचन्द्र पौडेल छन् । यता, गगनको प्रस्तावकमा शेखर कोइराला छन् भने समर्थकमा युवा नेता प्रदीप पौडेल छन् । थापाको समर्थनमा अर्का महामन्त्री विश्वप्रकाश शर्मा पनि उभिएका छन् ।
दलको नेतामा शेखर कोइराला समूहमा यसअघि कोइरालाले पनि आकांक्षा राखेका थिए । तर, कोइराला र थापाबीचको छलफलपछि उनीहरुबीच नयाँ सहमति बनेको हो । १५औं महाधिवेशनमा सभापतिमा कोइरालालाई समर्थन गर्ने थापाको सहमति छ ।
