काठमाडौं, पुस २१ । बार्सिलोना फुटबल क्लब स्पेनिस कोपा डेल रेको प्रि–क्वाटरफाइनलमा प्रवेश गरेको छ । गएराति सम्पन्न खेलमा इन्टरसिटीलाई अतिरिक्त समयमा ४–३ ले हराउँदै बार्सिलोना कोपा डेल रेको प्रि–क्वाटरफाइनलमा प्रवेश गरेको हो ।
बार्सिलोनाको जितमा रोनाल्ड एराउजो, औसमाने डेम्बेले, राफिन्हा र अन्सु फातीले समान एक गोल गरे । इन्टर सिटीकाका लागि ओरिओल सोल्डेभिलाले ह्याट्रिक पूरा गरे पनि हार टार्न भने सकेनन् ।
