काठमाडौं, २१ पुष । वाम एकताका लागि भन्दै नेकपा (एकीकृत समाजवादी) ले कार्यदल गठन गरेको छ। आज बसेको केन्द्रीय सचिवालयको बैठकले वाम एकताका लागि अगुवाइ गर्न पार्टी महासचिव बेदुराम भुसालको नेतृत्वमा ४ जनाको कार्यदल गठन गरेको छ।
भुसालको नेतृत्वमा बनेको कार्यदलको सदस्यमा गंगालाल तुलाधार, प्रकाश ज्वाला र विजय पौडेल रहेका छन्। वाम एकताका लागि पहल र अगुवाई गर्न कार्यदल बनाइएको प्रवक्ता जगन्नाथ खतिवडाले बताए।
