काठमाडौं, १ फागुन । नेकपा (एमाले) का उपाध्यक्ष तथा पूर्वमन्त्री रामबहादुर थापा ‘बादल’ ले २८औं जनयुद्ध दिवसको अवसरमा शुभकामना व्यक्त गरेका छन् । प्रधानमन्त्री पुष्पकमल दाहाल नेतृत्वको सरकारले त आज जनयुद्धको दिवसमा देशभर सार्वजनिक विदा दिएको छ । बादलले पनि सामाजिक सञ्जालमार्फत जनयुद्ध दिवसको अवसरमा शुभकामना दिएका हुन् ।
उनले लेखेका छन्–
२८औँ जनयुद्ध दिवसको उपलक्ष्यमा सबैमा हार्दिक शुभकामना व्यक्त गर्दछु । जनयुद्ध, जनआन्दोलनलगायतका आन्दोलनको क्रममा देश र जनताको मुक्तिकाे लागि आफ्नाे प्राणकाे आहुति दिनुहुने महान सहिदहरुकाे स्मरण गर्दै उहाँहरुप्रति हार्दिक श्रद्धाञ्जली व्यक्त गर्दछु । बेपत्ता तथा घाइते योद्धाहरूको योगदानको स्मरणगर्दै उहाँहरुप्रति उच्च सम्मान ब्यक्त गर्दछु । साथै सहिद, बेपत्ता तथा घाइतेका परिवारकाे याेगदानकाे उच्च कदर गर्न चाहन्छु ।
