काठमाडौं, फागुन ४ । नवनियुक्त तीन जना कुलपतिहरूले पद तथा गोपनीयताको शपथ ग्रहण लिएका छन्। आज बिहान बालुवाटारमा प्रधानमन्त्री पुष्पकमल दाहाल ‘प्रचण्ड’ले नवनियुक्त तीन जना कुलपतिलाई पद तथा गोपनीयताको शपथ गराएका हुन् ।
यसरी शपथ ग्रहण गर्ने कुलपतिहरुमा नेपाल सङ्गीत तथा नाट्य प्रज्ञा–प्रतिष्ठानका कुलपति निशा शर्मा, नेपाल प्रज्ञा प्रतिष्ठानका कुलपति भूपाल राई, नेपाल ललितकला प्रज्ञा–प्रतिष्ठानका कुलपतिमा नारदमणि हार्तम्छाली रहेका छन् ।
सो अवसरमा प्रधानमन्त्रीले उनहरूलाई बधाई तथा सफल कार्यकालको शुभकामना दिएका छन् । शपथ ग्रहण कार्यक्रममा संस्कृती, पर्यटन तथा नागरिक उड्डयनमन्त्री सुदन किराँती लगायत उपस्थित रहेका थिए ।
