काठमाडौं,१ वैशाख । राष्ट्रिय प्रजातन्त्र पार्टी (राप्रपा) का अध्यक्ष एवं प्रतिनिधिसभा सदस्य राजेन्द्रप्रसाद लिङदेनले ८४औँ पटक रक्तदान गरेका छन् ।
राप्रपाको भातृ संगठन राष्ट्रिय प्रजातान्त्रिक युवा संगठनले नयाँ वर्षको अवसरमा काठमाडौंमा आयोजना गरेको रक्तदान कार्यक्रममा नेता कार्यकर्तासँगै अध्यक्ष लिङदेनले पनि रक्तदान गरेका हुन् ।
कार्यक्रममा राप्रपा नेताहरु धवलशमसेर जबरा,मोहनकुमार श्रेष्ठ,विना लामा लगायत ५७ जनाले रक्तदान गरेका थिए ।
रक्तदान कार्यक्रमपछि बोल्दै पूर्व उपप्रधान तथा उर्जामन्त्री समेत रहेका लिङदेनले नयाँ वर्ष २०८० सालको शुभकामनासमेत व्यक्त गरेका छन् ।
