काठमाडौं, जेठ ३२ । आज नेपाली बजारमा सुनको भाउ आठ सय रुपैयाँले घटेको छ । बुधबार प्रतितोला एक लाख ११ हजार आठ सय रुपैयाँमा कारोबार भएको छापावाल सुन आज प्रतितोला एक लाख ११ हजार रुपैयाँमा कारोबार भइरहेको छ ।
तेजावी सुन पनि आज तोलामा आठ सय रुपैयाँले घटेर प्रतितोला एक लाख १० हजार ४५० रुपैयाँमा कारोबार भइरहेको छ ।
नेपाल सुनचाँदी व्यवसायी महासंघका अनुसार आज चाँदीको भाउ तोलामा २० रुपैयाँले घटेर प्रतितोला एक हजार ४०५ रुपैयाँमा कारोबार भईरहेको छ ।
विहिबार प्रति १० ग्राम छापावाल सुनको भाउ ९५ हजार १६५ रुपैयाँ, १० ग्राम तेजावी सुनको मुल्य ९४ हजार ६९५ रुपैयाँ र प्रति १० ग्राम चाँदीको मुल्य एक हजार २०४ रुपैयाँ ५० पैसा कायम रहेको छ ।
