काठमाडौं, ६ असार । भाटभटेनी सुपरमार्केट एण्ड डिपार्टमेन्टल स्टोरले २५औँ स्टोर जनकपुरमा सञ्चालनमा ल्याएको छ । सुपरस्टोरका अध्यक्ष तथा प्रबन्धक मीनबहादुर गुरुङले उक्त स्टोरको शुभारम्भ गरेका हुन् । करिब एक बिगाहा जमिनमा फैलिएको स्टोरको शुभारम्भ गर्दै गुरुङले ग्राहकको चाहनालाई ध्यानमा राखेर स्टोर सञ्चालनमा ल्याइएको स्पष्ट पारे ।
उनले सीताको जन्मस्थानमा केही गर्नुपर्छ भन्ने सानैदेखि लागेको र त्यो सपना अहिले पूरा भएको भन्दै खुशी व्यक्त गरे । सीमावर्ती क्षेत्रमा भन्दा ग्राहकलाई सहज सुविधा दिनको लागि जनकपुरमा स्टोर सञ्चालनमा ल्याइएको उनको भनाइ थियो ।
