काठमाडौं, ९ असार । आइसिसी एकदिवसीय क्रिकेट विश्वकप छनोटमा नेपालले नेदरल्यान्ड्सविरूद्ध पहिले ब्याटिङ गर्ने भएको छ। जिम्बावेमा हुने खेलमा नेदरल्यान्ड्सले टस जितेर बलिङ रोजेको हो । समूह चरणको सुरूवाती तीन खेलमध्ये दुई खेलमा हार ब्यहोरेको छ । नेपालका लागि आज नेदरल्याण्ड्सविरुद्धको खेल निर्णायक छ ।
सुपर सिक्स सम्भावना जिवित राख्न नेपालले आज जित्नैपर्ने हुन्छ । पहिलो खेलमा नेपाल आयोजक जिम्बावेसँग ८ विकेटको हारेको थियो । दोस्रो खेलमा भने नेपालले अमेरिकामाथि ६ विकेटको जित निकालेको थियो । तर, तेस्रो खेलमा वेस्ट इन्डिजसँग १०१ रनको फराकिलो अन्तरले पराजित भएको थियो ।
