काठमाडौं, १४ असार । ओखलढुंगाको लिखुमा ट्याक्टर दुर्घटना हुँदा एक किशोरीको निधन भएको छ । आज (बिहीबार) अपरान्ह गैरा वरपिपलमा ट्याक्टर दुर्घटना हुँदा १८ बर्षीय अप्सरा खड्काको निधन भएको हो ।
दुर्घटनामा ट्याक्टर १५० मिटर तल खस्दा गम्भीर घाइते भएकी उनलाई उपचारको लागि लैजाँदै गर्दा बाटोमै निधन भएको हो । दुर्घटना भएको उक्त ट्याक्टरमा ७ जना सवार थिए । अन्य यात्रु हामफालेर बाँच्न सफल भए भने चालक सामान्य घाइते भएका छन् । File Photo
