काठमाडौं, असार २२ । कोशी प्रदेशका नव नियुक्त मुख्यमन्त्रीले पद तथा गोपनीयताको शपथ लिएका छन् । कोशी प्रदेशको मुख्यमन्त्रीमा उद्धव थापालाई प्रदेश प्रमुख परशुरामखापुङले पद गोपनीयताको शपथ गराएका हुन् ।
मुख्यमन्त्री सहित चार जनाले शपथ गर्ने तयारी गरेको थियो तर, माओवादीले मन्त्री नपठाएपछि मुख्यमन्त्री सहित ३ जनाले शपथ लिएका छन् ।
नेपाली काङ्ग्रेसबाट प्रदीपकुमार सुनार र एकीकृत समाजवादीबाट कमलप्रसाद जबेगु मन्त्री भएका छन् । नेकपा (माओवादी केन्द्र) बाट जीवन आचार्यलाई पनि मन्त्री बनाउने तयारी भएको भएपनि माओवादीबाट कोही उपस्थित भएनन् । मुख्यमन्त्रीले शपथ लिएकै दिन शपथ ग्रहण समारोहमा आचार्य सहभागी नभएपछि मन्त्रिपरिषद् विस्तारमा चरम विवाद देखिएको छ ।
थापा बिहीबार कोशी प्रदेशको मुख्यमन्त्रीमा नियुक्त भएका थिए । कोशी प्रदेशका तत्कालीन मुख्यमन्त्री हिक्मतकुमार कार्कीले प्रदेशसभाबाट विश्वासको मत प्रप्त नगरेपछि कोशी प्रदेशमा एमाले नेतृत्वको सरकार ढलेको थियो ।
