काठमाडौं, ६ साउन । नेकपा (माओवादी केन्द्र) की नेतृ पम्फा भुसालले नेपालमा कम्युनिस्ट पार्टी हराभरा र ठीक मार्गबाट अघि बढिरहेको बताएकी छन् ।
समाजवाद अध्ययन केन्द्र नेपालद्वारा आयोजित समाजवाद बहस र सङ्घर्ष विषयक कार्यक्रममा उनले मुलुकको अभिभारा र माग रहेकाले एउटै बलियो कम्युनिस्ट पार्टी बनाएर समाजवाद हासिल गर्ने लक्ष्यमा अघि बढ्नुपर्ने आजको आवश्यकता भएको बताईन् ।
“समाजवाद अहिले रक्षात्मकरूपमा रहेको छ, सबै दलको कार्यदिशा समाजवाद नै बनेर अघि बढिरहेको छ । एउटै बलियो कम्युनिस्ट पार्टी नभई समाजवाद हासिल गर्न सकिन्न,”– उनले भनिन् । File Photo/RN
