कांग्रेसले कांग्रेसलाई नै हराउनेहरुलाई पार्टीबाट पन्छाउनुपर्ने विनोद चौधरीको भनाई (भिडिओसहित)

काठमाडौं, ७ साउन । नेपाली कांग्रेसका केन्द्रीय सदस्य विनोद चौधरीले पार्टीभित्र एकले अर्कोलाई हराउने मान्छेहरुलाई पन्छाउनुपर्नेमा जोड दिए । पार्टीको जारी केन्द्रीय समितिको बैठकमा आज (आइतबार) आफ्नो धारणा राख्दै चौधरीले यस्तो बताएका हुन् ।

चौधरीले चुनावताका पार्टीभित्र एकले अर्कोलाई सिध्याउने र हराउने खेल भएको अनुभव सुनाए । उनले पार्टीको सिस्टमलाई आफ्नो आन्तरिक विवादका बावजुद पनि एउटै सूत्रमा बाँध्नुपर्ने आवश्यकत्ता औंल्याए । विदेशमा रहेका ५० लाख नेपालीहरु नयाँ दलप्रति आकर्षित बनेको भन्दै त्यसलाई चिर्नको लागि कांग्रेसले पहलकदमी लिनुपर्नेमा जोड दिए ।

उनले कांग्रेसले फेरि एकपटक आफूलाई रूपान्तरण गरेर अघि बढ्ने बेला आएको सुनाए । उनले भने,‘विदेशमा भएका ५० औं लाख नेपाली युवाहरूले पुराना पार्टीका गतिविधिका कारण हामीहरू विदेशिन बाध्य भयौं, ती पार्टीलाई भोट दिने होइन नयाँ पार्टीलाई दिने हो भन्छन् ।’ उनले पार्टी सभापति शेरबहादुर देउवाले गठबन्धनका दलहरुलाई सुझबुझका साथ अघि बढाएको स्मरण गराए ।

https://www.facebook.com/nepalicongresshq/videos/803645621481148