काठमाडौं, साउन १२ । नेकपा (एमाले) का अध्यक्ष केपी शर्मा ओलीको नीजि निवास बालकोटमा विहिबार साँझ सांगीतिक माहोलको आयोजना गरिएको छ ।
संगीत र रागमा प्रसिद्ध कलाकारहरु अच्युतराम भण्डारी, परशुराम भण्डारी र सीता भण्डारी तथा प्रसिद्ध गायक शिशिर योगी बालकोट पुगेर अध्यक्ष ओलीलाई शास्त्रीय सांगीतमा लठ्ठ पारेका छन् ।
शास्त्रीय संगीतका साधकहरूले सुनाएको मेघमल्लार र सिंह भैरवी रागको आनन्द अनि शिशिर योगीका गीतको मिठास लिएको एमाले अध्यक्ष केपी ओलीले जनाएका छन् । अध्यक्ष ओलीले सामाजिक सञ्जाल फेसबुकमा तस्विर राख्दै लेखेका छन,
बालकोटबाट शुभ बिहानी !
घरमा हिजो बेलुका संयोगवश सांगीतिक माहौल बन्यो। शास्त्रीय संगीत र रागमा प्रसिद्ध कलाकारहरु अच्युतराम भण्डारी, परशुराम भण्डारी र सीता भण्डारी तथा प्रसिद्ध गायक शिशिर योगी आउनु भएको थियो। शास्त्रीय संगीतका साधकहरूले सुनाउनु भएको मेघमल्लार र सिंह भैरवी रागको आनन्द अनि शिशिर योगीका गीतको मिठास !
रमाइलो भयो, उहाँहरुलाई धन्यवाद ।
