काठमाडौं, साउन २९। उपराष्ट्रपति रामसहायप्रसाद यादव आज जनवादी गणतन्त्र चीनको साताव्यापी भ्रमणमा जाँदैछन्।
चीनको कुनमिङ्गमा आयोजना हुने सातौँ चीन दक्षिण एशिया प्रदर्शनी र २७ औँ चीन कुनमिङ्ग आयात–निर्यात मेलामा सहभागी हुन उनी आज चीन प्रस्थान गर्न लागेका हुन् ।
परराष्ट्र मन्त्रालयका अनुसार साउन ३१ गतेदेखि भदौ ३ गतेसम्म सञ्चालन हुने उक्त मेलामा सहभागी हुन उपराष्ट्रपति यादव आज दिउँसो ४ः२५ बजे त्रिभुवन अन्तर्राष्ट्रिय विमानस्थलबाट चीन प्रस्थान गर्न लागेका हुन् ।
उपराष्ट्रपति यादवसँगै उनकी धर्मपत्नी चम्पादेवी यादव, उपराष्ट्रपति कार्यालयका सचिव मधुसुदन बुर्लाकोटी, स्वकीय उपसचिव शत्रुधन यादव, निजी चिकित्सक विक्रम सिलवाल र सेनानी रत्नबहादुर श्रेष्ठ, सहसेनानी भीमसेन देवकोटा भ्रमण दलमा सहभागी हुँदैछन् ।
