मुगु, साउन ३० । मुगुको सोरु गाउँपालिका–७ चिप्लेगाडामा सोमबार बेलुका भएको जिप दुर्घटनामा चार जनाको मृत्यु भएको छ ।
सोरु गाउँपालिकाबाट जिल्ला सदरमुकाम गमगढीतर्फ आउँदै गरेको ग१ज ७७६२ नंको बोलेरो जिप सोमबार बेलुका दुर्घटनामा परेको थियो । दुर्घटनामा चालकसहित पाँच जना जना घाईते भएका छन् ।
मुगुका प्रहरी नायब उपरीक्षक महेश बस्नेतका अनुसार दुर्घटनामा हुम्ला जिल्ला सर्केगाड–२ रिपगाउँका एकै नाम थरका दुईजना राम परियार, सोही ठेगानाका प्रकाश बोहोरा र पिउस परियार रहेका छन्।
त्यस्तै, मुगु सोरु गापा–७ सिप गाउँका चालक दिनेश लावड, सोरु–५ का गोविन्दा शाही र सोही वडाका वडा सदस्य लोकजङ्ग नेपाली, सोरु–६ कै सेरे रोकाया र हुम्ला सिमीकोट–२ का उदीप बोहोरा दुर्घटनामा घाईते भएका छन् । जिप सडकबाट दुई सय मिटर तल खसेको थियो।
