काठमाडौं, भदौ १७ । नेपाली बजारमा आज सुनको मूल्य बढेको छ भने चाँदीको मूल्य घटेको छ । शुक्रबार प्रतितोला १ लाख १२ हजार ५ सयमा कारोबार भएको छापावाल सुन आज तोलामा १ सय रुपैयाँले बढेर प्रतितोला १ लाख १२ हजार ६ सयमा कारोबार भइरहेको छ ।
नेपाल सुनचाँदी व्यवसायी महासंघका अनुसार आज तेजावी सुनको मूल्य पनि तोलामा १ सय रुपैयाँले बढेर प्रतितोला १ लाख १२ हजार ५० रुपैयाँमा कारोबार भईरहेको छ । आज चाँदीको मूल्य १० रुपैयाँले घटेर प्रतितोला १ हजार ४ सय ६० रुपैयाँमा कारोबार भईरहेको छ ।
आज प्रति १० ग्राम छापावाल सुनको मूल्य ९६ हजार ५ सय ३५ रुपैयाँ, १० ग्राम तेजावी सुनको मूल्य ९६ हजार ६५ रुपैयाँ र प्रति १० ग्राम चाँदीको मूल्य १ हजार २ सय ५२ रुपैयाँ कायम रहेको छ।
