काठमाडौं, असोज २। नेकपा (एमाले) ले दिवंगत संविधान सभा अध्यक्ष तथा पार्टी उपाध्यक्ष सुवास नेम्वाङको स्मृतिमा आज सातै प्रदेशमा विचार गोष्ठी आयोजना गर्दैछ ।
शनिबार बसेको पार्टीको कार्यालय बैठकले सातै प्रदेशमा विचार गोष्ठी गर्ने निर्णय गरेको थियो । आज पार्टी केन्द्रीय कार्यालय तुलसीलाल स्मृति प्रतिष्ठानमा बस्ने विचार गोष्ठीलाई पार्टी अध्यक्ष केपी शर्मा ओलीले सम्बोधन गर्दैछन् । त्यस्तै वरिष्ठ उपाध्यक्ष ईश्वर पोखरेलल मधेस प्रदेशमा आयोजना हुने विचार गोष्ठीमा सहभागी हुँदैछन भने कोशी प्रदेशको इलाममा आयोजना हुने विचार गोष्ठीको जिम्मा रामबहादुर थापा ‘बादल’ ले पाएका छन् ।
त्यस्तै, लुम्बिनी प्रदेशमा आयोजना हुने विचार गोष्ठिमा उपाध्यक्ष युवराज ज्ञवाली, गण्डकी प्रदेशमा अष्टलक्ष्मी शाक्य, सुदूरपश्चिम प्रदेशमा विष्णुप्रसाद पौडेल र कर्णाली प्रदेशमा सुरेन्द्र पाण्डेलाई विचार गोष्ठीको जिम्मेवारी तोकिएको छ ।
