काठमाण्डौ, असोज ११ । नेपाली बजारमा आज सुनको भाउ ह्वात्तै घटेको छ । बुधबार प्रतितोला १ लाख ११ हजार रुपैयाँमा कारोबार भएको छापावाल सुन आज १४ सय रुपैयाँले घटेर १ लाख ९ हजार ६ सय रुपैयाँमा कारोबार भइरहेको छ ।
नेपाल सुन चाँदी व्यवसायी महासङ्घका अनुसार आज तेजावी सुन प्रति तोला एक हजार ३ सय ५० रुपैयाँले घटेर १ लाख ९ हजार १ सय रुपैयाँमा कारोबार भईरहेको छ । त्यस्तै चाँदीको भाउ समेत आज तोलामा १५ रुपैयाँ घटेर प्रतितोला १ हजार ३ सय ७० रुपैयाँमा कारोबार भइरहेको छ ।
आज प्रति १० ग्राम छापावाल सुनको भाउ ९३ हजार ९ सय ६५ रुपैयाँ, १० ग्राम तेजावी सुनको भाउ ९३ हजार ५ सय ३५ रुपैयाँ र प्रति १० ग्राम चाँदीको भाउ १ हजार १ सय ७४ रुपैयाँ ५० पैसा कायम रहेको महासंघले जनाएको छ ।
