काठमाडौं, १५ असोज । वन तथा वातावरणमन्त्री डा. वीरेन्द्र प्रसाद महतो फिफ्थ फोरम अफ मिनिस्टर्स एण्ड इनभाइरोमेन्ट अथोरिटिज अफ एशिया प्यासिफिक (फिफ्थ एपी फोरम) मा भाग लिनको लागि श्रीलंका प्रस्थन् गरेका छन् । अक्टोबर ३ (भोलि) देखि सुरू हुने उक्त फोरममा भाग लिन मन्त्री महतो आज (सोमबार) त्यसतर्फ प्रस्थान् गरेका छन् ।
मन्त्री महतोलाई नेपालका लागि श्रीलंकाकी राजदूत निलुसा डिल्मिनीले त्रिभुवन अन्तर्राष्ट्रिय विमानस्थलमा विदाई गरेकी हुन् । सो क्रममा मन्त्रालयका उच्चपदस्थ कर्मचारी र विभिन्न विभागका प्रमुखहरुपनि मन्त्री महतोलाई विदाई गर्न विमानस्थल पुगेका थिए ।
उक्त कार्यक्रम आगामी अक्टोबर ६ तारिखसम्म चल्नेछ । कार्यक्रम श्रीलंका सरकार र संयुक्त राष्ट्रसंघको वातावरण कार्यक्रम (युएनईपी) ले संयुक्त रुपमा आयोजना गरेको हो । मन्त्रीस्तरीय कार्यक्रम भने अक्टोबर ५ बाट सुरु हुने जनाईएको छ ।
